ਲੁਧਿਆਣਾ,( ਸੰਜੇ ਮਿੰਕਾ )-: ਨੇਕੀ ਕੀ ਦੁਕਾਨ, ਜਿਥ੍ਹੇ ਬਿਨਾ ਕਿਸੇ ਮੁਨਾਫੇ ਦੇ ਕਰਿਆਨੇ ਅਤੇ ਹੋਰ ਚੀਜ਼ਾਂ ਦਾ ਸਾਮਾਨ ਮਿਲੇਗਾ ਅੱਜ ਲੁਧਿਆਣਾ ਦੇ ਭਾਈ ਹਿੰਮਤ ਸਿੰਘ ਨਗਰ ਵਿਖੇ ਖੁੱਲ ਗਈ । ਦੁਕਾਨ ਨੂੰ ਐਨਜੀਓ ਹੈਲਪਫੁੱਲ ਦੇ ਦੀਪਕ ਗਰਗ ਵਲੋਂ ਖੋਲਿਆ ਗਿਆ । ਇਸ ਮੌਕੇ ਤੇ ਯੂਥ ਅਕਾਲੀ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਗੁਰਦੀਪ ਸਿੰਘ ਗੋਸ਼ਾ ਅਤੇ ਹੋਰ ਪ੍ਰਮੁੱਖ ਸ਼ਖਸੀਅਤਾਂ ਹਾਜ਼ਰ ਸਨ। ਗੁਰਦੀਪ ਸਿੰਘ ਗੋਸ਼ਾ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਮਾਤਾ ਵਿਪਨਜੀਤ ਕੌਰ ਨੇ ਲੁਧਿਆਣਾ ਵਿੱਚ ਦੁਕਾਨ ਖੋਲੀ ਸੀ ਜਿਥ੍ਹੇ ਖਰੀਦ ਤੋਂ ਘੱਟ ਕੀਮਤ ਤੇ ਕਰਿਆਨੇ ਅਤੇ ਸਬਜ਼ੀਆਂ ਵੇਚੀਆਂ ਜਾਂਦੀਆਂ ਹਨ ਅਤੇ ਅੱਜ ਐਨਜੀਓ ਹੈਲਪਫੁਲ ਨੇ ਦੁਕਾਨ ਖੋਲੀ ਹੈ ਜੋ ਬਿਨਾਂ ਕਿਸੇ ਲਾਭ ਦੇ ਚੀਜ਼ਾਂ ਮਿਲਣਗੀਆਂ। ਅਜਿਹੀਆਂ ਦੁਕਾਨਾਂ ਖੋਲ੍ਹਣ ਦਾ ਉਦੇਸ਼ ਲੋਕਾਂ ਦੀ ਮਦਦ ਕਰਨਾ ਅਤੇ ਕਮਿਸ਼ਨ ਏਜੰਟਾਂ ਦੁਆਰਾ ਲੁੱਟ ਨੂੰ ਰੋਕਣਾ ਹੈ. ਦੀਪਕ ਗਰਗ ਨੇ ਕਿਹਾ ਕਿ ਉਨ੍ਹਾਂ ਦੀ ਐਨ.ਜੀ.ਓ ਲੋਕਾਂ ਦੀ ਸੇਵਾ ਕਰ ਰਹੀ ਹੈ ਅਤੇ ਹੁਣ ਉਹ ਲੋਕਾਂ ਨੂੰ ਘੱਟ ਕੀਮਤ ‘ਤੇ ਕਰਿਆਨੇ ਦੀਆਂ ਚੀਜ਼ਾਂ ਮੁਹੱਈਆ ਕਰਵਾ ਕੇ ਸਹਾਇਤਾ ਕਰਨਗੇ। ਉਨ੍ਹਾਂ ਕਿਹਾ ਕਿ ਦੁਕਾਨ ਦਾ ਖਰਚਾ ਉਹ ਖੁਦ ਚੁੱਕਣਗੇ ਅਤੇ ਲੋਕਾਂ ਨੂੰ ਸਿਰਫ ਕੀਮਤ ਮੁੱਲ ‘ਤੇ ਕਰਿਆਨੇ ਦੀਆਂ ਵਸਤਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ।
