ਲੁਧਿਆਣਾ (ਸੰਜੇ ਮਿੰਕਾ) ਭਾਰਤੀ ਬਾਸਕਟਬਾਲ ਫੈਡਰੇਸ਼ਨ ਦੇ ਸਾਬਕਾ ਜਨਰਲ ਸਕੱਤਰ ਚੰਦਰ ਮੁਖੀ ਸ਼ਰਮਾ ਨੂੰ ਇੱਕ ਵਾਰ ਫਿਰ ਫੀਬਾ ਅਪੀਲ ਕਮਿਸ਼ਨ ਲਈ ਨਾਮਜ਼ਦ ਕੀਤਾ ਗਿਆ ਹੈ, ਜੋ ਇੱਕ ਉੱਚ ਤਾਕਤੀ ਕਾਨੂੰਨੀ ਸੰਸਥਾ ਹੈ, ਜੋ ਲੋੜ ਪੈਣ ‘ਤੇ ਦੁਨੀਆ ਵਿੱਚ ਬਾਸਕਟਬਾਲ ਦੀ ਖੇਡ ਦੇ ਸੰਚਾਲਨ ਨਾਲ ਸਬੰਧਤ ਸਾਰੇ ਕਾਨੂੰਨੀ ਮਾਮਲਿਆਂ ਦਾ ਨਿਰਣਾ ਕਰਦੀ ਹੈ ਅਤੇ ਲੋੜ ਪੈਣ ਤੇ ਫ਼ੀਬਾ (ਅੰਤਰਰਾਸ਼ਟਰੀ ਬਾਸਕਟਬਾਲ ਫੈਡਰੇਸ਼ਨ) ਦੁਆਰਾ ਲਏ ਗਏ ਫੈਸਲੇ ਵੀ ਲੈਂਦੀ ਹੈ। ਜਿਕਰਯੋਗ ਹੈ ਕਿ ਸ਼ਰਮਾ, ਜੋ ਵਰਤਮਾਨ ਵਿੱਚ ਦੱਖਣੀ ਏਸ਼ੀਆ ਬਾਸਕਟਬਾਲ ਸੰਘ ਦੇ ਜਨਰਲ ਸਕੱਤਰ ਹਨ, 2019-23 ਦੇ ਕਾਰਜਕਾਲ ਲਈ ਮੁੱਖ ਪੈਨਲ ਵਿੱਚ ਸ਼ਾਮਲ ਹੋਣ ਵਾਲੇ ਪਹਿਲੇ ਭਾਰਤੀ ਬਣ ਗਏ ਹਨ। ਫੀਬਾ ਦੇ ਸਕੱਤਰ ਜਨਰਲ ਸ੍ਰੀ ਐਂਡਰੀਅਸ ਜ਼ਗਕਲਿਸ ਨੇ ਸ਼ਰਮਾ ਨੂੰ ਇੱਕ ਸੰਦੇਸ਼ ਵਿੱਚ ਕਿਹਾ ਕਿ ਇਹ ਨਿਯੁਕਤੀ ਤੁਹਾਡੇ (ਸ਼ਰਮਾ ਦੇ) ਕਾਨੂੰਨੀ ਹੁਨਰ, ਅਨੁਭਵ ਅਤੇ ਬਾਸਕਟਬਾਲ ਪ੍ਰਤੀ ਤੁਹਾਡੀ (ਸ਼ਰਮਾ ਦੀ) ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ। ਮੁੜ ਨਾਮਾਂਕਣ ‘ਤੇ ਟਿੱਪਣੀ ਕਰਦਿਆਂ ਸ਼ਰਮਾ ਨੇ ਕਿਹਾ ਕਿ ਇਹ ਨਿਯੁਕਤੀ ਭਾਰਤ ਦੇ ਸਮੁੱਚੇ ਕਾਨੂੰਨੀ ਭਾਈਚਾਰੇ ਲਈ ਮਾਣ ਵਾਲੀ ਗੱਲ ਹੈ, ਖਾਸ ਤੌਰ ‘ਤੇ ਸਾਡੇ ਵਿੱਚੋਂ ਉਹ ਲੋਕ ਜੋ ਸਮਾਜ ਦੇ ਸਰਬਪੱਖੀ ਵਿਕਾਸ ਲਈ ਖੇਡ ਵਿੱਚ ਚੰਗੇ, ਸਾਫ਼-ਸੁਥਰੇ ਅਤੇ ਪਾਰਦਰਸ਼ੀ ਪ੍ਰਸ਼ਾਸਨ ਨੂੰ ਕਾਇਮ ਰੱਖਣ ਲਈ ਸਖ਼ਤ ਮਿਹਨਤ ਕਰਦੇ ਹਨ। ਉਨ੍ਹਾਂ ਨੇ ਫ਼ੀਬਾ ਅਤੇ ਇਸਦੇ ਕੇਂਦਰੀ ਬੋਰਡ, ਖਾਸ ਤੌਰ ‘ਤੇ ਫੀਬਾ ਦੇ ਸਕੱਤਰ ਜਨਰਲ ਆਂਦਰੇਅਸ ਜ਼ਗਕਲਿਸ, ਫੀਬਾ ਏਸ਼ੀਆ ਦੇ ਪ੍ਰਧਾਨ ਡਾ. ਕੇ ਗੋਵਿੰਦਰਾਜ ਅਤੇ FIBA ਏਸ਼ੀਆ ਦੇ ਕਾਰਜਕਾਰੀ ਨਿਰਦੇਸ਼ਕ ਹੈਗੋਪ ਖਜੀਰੀਅਨ ਦਾ ਉਨ੍ਹਾਂ ਉਪਰ ਦਿਖਾਏ ਗਏ ਭਰੋਸੇ ਲਈ ਧੰਨਵਾਦ ਕੀਤਾ।
