- ਪਹਿਲਾ ਸੱਦਾ ਉਜੈਨ ਦੇ ਮਹਾਕਾਲ ਜੀ ਅਤੇ ਅਯੋਦਿਆ ਸ਼੍ਰੀ ਰਾਮ ਮੰਦਿਰ ਵਿੱਚ ਦਿੱਤਾ ਗਿਆ
ਲੁਧਿਆਣਾ (ਸੰਜੇ ਮਿੰਕਾ) ਸ਼੍ਰੀ ਮਹਾਕਾਲ ਸੇਵਾ ਮੰਡਲ (ਰਜਿ.) ਵੱਲੋਂ ਮਹਾਸ਼ਿਵਰਾਤਰੀ ਦੇ ਤਿਉਹਾਰ ਮੌਕੇ ਪੰਜਵੀਂ ਵਿਸ਼ਾਲ ਸ਼ੋਭਾ ਯਾਤਰਾ 5 ਮਾਰਚ, 2024 ਦਿਨ ਮੰਗਲਵਾਰ ਨੂੰ ਸ਼ਿਵ ਮੰਦਰ ਸ਼੍ਰੀ ਰਾਮਲੀਲਾ ਦਰੇਸੀ ਮੈਦਾਨ ਤੋਂ ਨੂਰਵਾਲਾ ਰੋਡ ਸਥਿਤ ਵਿਵੇਕ ਧਾਮ ਆਸ਼ਰਮ, ਲੁਧਿਆਣਾ ਤੱਕ ਬੜੀ ਧੂਮਧਾਮ ਨਾਲ ਕੱਢੀ ਜਾ ਰਹੀ ਹੈ। ਇਸੇ ਹੀ ਦਿਨ ਮੰਗਲਵਾਰ ਰਾਤ 5 ਮਾਰਚ ਦੀ ਰਾਤ ਨੂੰ ਨੂਰਵਾਲਾ ਰੋਡ ਵਿਵੇਕ ਧਾਮ ਆਸ਼ਰਮ, ਲੁਧਿਆਣਾ ਵਿਖੇ ਸੰਸਥਾ ਵੱਲੋਂ ਵਿਸ਼ਾਲ ਭੰਡਾਰਾ ਕਰਵਾਇਆ ਜਾ ਰਿਹਾ ਹੈ। ਇਸ ਸਮਾਗਮ ਸਬੰਧੀ ਮੀਟਿੰਗ ਨੂਰਵਾਲਾ ਰੋਡ ਵਿਵੇਕ ਧਾਮ ਆਸ਼ਰਮ ਵਿਖੇ ਸਵਾਮੀ ਵਿਵੇਕ ਭਾਰਤੀ ਜੀ ਮਹਾਰਾਜ, ਸਵਾਮੀ ਸਮਰਿਤੀ ਭਾਰਤੀ ਜੀ ਮਹਾਰਾਜ, ਮੁੱਖੀ ਡਾ. ਓ.ਪੀ. ਸ਼ਰਮਾ, ਕੇ.ਐਲ. ਮਲਹੋਤਰਾ, ਰਮਨ ਵਰਮਾ ਜਗਦੰਬਾ, ਅਤੁਲ ਤਲਵਾੜ, ਪ੍ਰੇਮ ਬੱਤਰਾ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਚੇਅਰਮੈਨ ਗੌਰਵ ਅਤੇ ਪ੍ਰਧਾਨ ਦੀਪਕ ਨੇ ਕਿਹਾ ਕਿ ਸੰਸਥਾ ਵੱਲੋਂ ਮਹਾਸ਼ਿਵਰਾਤਰੀ ਦੇ ਮੌਕੇ ‘ਤੇ 5 ਮਾਰਚ ਮੰਗਲਵਾਰ ਨੂੰ ਪੰਜਵੀਂ ਵਿਸ਼ਾਲ ਸ਼ੋਭਾ ਯਾਤਰਾ ਅਤੇ ਭੰਡਾਰਾ ਵੀ ਕੱਢਿਆ ਜਾ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਪਹਿਲਾ ਸੱਦਾ ਮਹਾਕਾਲ ਜੀ ਅਤੇ ਉਜੈਨ ਦੇ ਅਯੋਦਿਆ ਸ਼੍ਰੀ ਰਾਮ ਮੰਦਰ ‘ਚ ਦਿੱਤਾ ਗਿਆ ਹੈ। ਯਾਤਰਾ ਦੇ ਮੁਖੀ ਵੈਭਵ ਜੈਨ ਅਤੇ ਕਮੇਟੀ ਮੈਂਬਰ ਡਾ: ਸੁਨੀਲ ਸ਼ਰਮਾ (ਬੰਕਾ), ਨਰੇਸ਼ ਕੜਵਲ, ਸ਼ਿਵਮ ਸ਼ਰਮਾ, ਰਿਤੇਸ਼ ਸਾਹਨੀ, ਕਪਿਲ ਸ਼ਰਮਾ, ਮੁਨੀਸ਼ ਸ਼ਰਮਾ, ਸੁਮਿਤ ਠੁਕਰਾਲ ਨੇ ਦੱਸਿਆ ਕਿ ਵਿਸ਼ਾਲ ਸ਼ੋਭਾ ਯਾਤਰਾ ਸ਼ਾਮ 5 ਵਜੇ ਸ਼ਿਵ ਮੰਦਰ, ਸ਼੍ਰੀ ਰਾਮਲੀਲਾ ਦਰੇਸੀ ਮੈਦਾਨ ਤੋਂ ਸ਼ੁਰੂ ਹੋਵੇਗੀ, ਜੋ ਸ਼ਿਵਪੁਰੀ ਰੋਡ, ਨੂਰਵਾਲਾ ਰੋਡ ਮੇਨ ਬਜ਼ਾਰ ਤੋਂ ਹੁੰਦੇ ਹੋਏ ਵਿਵੇਕ ਧਾਮ ਆਸ਼ਰਮ ਵਿਖੇ ਸਮਾਪਤ ਹੋਵੇਗੀ। ਮਹਿਲਾ ਕਮੇਟੀ ਮੈਂਬਰ ਰਜਨੀ ਭਸੀਨ ਅਤੇ ਰਿੰਕੂ ਚੱਢਾ ਨੇ ਦੱਸਿਆ ਹੈ ਕਿ ਯਾਤਰਾ ਸਬੰਧੀ ਮੰਡਲ ਮੈਂਬਰਾਂ ਵੱਲੋਂ ਘਰ-ਘਰ ਜਾ ਕੇ ਸੱਦੇ ਦਿੱਤੇ ਜਾ ਰਹੇ ਹਨ। ਰਮਨ ਜਗਦੰਬਾ, ਅਤੁਲ ਤਲਵਾੜ, ਜਤਿੰਦਰ ਦੱਤਾ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਉਜੈਨ ਦੇ ਮਹਾਕਾਲ ਭਗਵਾਨ ਸ਼ਿਵ ਆਪਣੇ ਭਗਤਾਂ ਨੂੰ ਰੱਥ ‘ਚ ਬੈਠ ਕੇ ਦਰਸ਼ਨ ਦੇਣਗੇ।ਉਨ੍ਹਾਂ ਦੱਸਿਆ ਕਿ ਮਹਾਕਾਲ ਜੀ ਦਾ ਸਵਰੂਪ ਉਜੈਨ ਦੀ ਨਗਰੀ ਤੋਂ ਲਿਆਂਦਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਸ਼ੋਭਾ ਯਾਤਰਾ ਦੇ ਰੂਟ ਨੂੰ ਦੁਲਹਨ ਵਾਂਗ ਸਜਾਇਆ ਜਾਵੇਗਾ। ਸ਼ੋਭਾ ਯਾਤਰਾ ਦੇ ਰੂਟ ‘ਤੇ ਸੈਂਕੜੇ ਸ਼ਿਵ ਭਗਤ ਨੰਗੇ ਪੈਰੀਂ ਰੱਸੀ ਨਾਲ ਰੱਥ ਨੂੰ ਖਿੱਚਣਗੇ। ਇਸ ਸ਼ੋਭਾ ਯਾਤਰਾ ਵਿੱਚ ਦੇਸ਼-ਵਿਦੇਸ਼ ਤੋਂ ਸੈਂਕੜੇ ਸ਼ਰਧਾਲੂ ਆਪਣੇ ਪੂਜਨੀਕ ਦੇਵਤਾ ਭਗਵਾਨ ਭੋਲੇਨਾਥ ਦਾ ਆਸ਼ੀਰਵਾਦ ਲੈਣ ਲਈ ਸ਼ਿਰਕਤ ਕਰਨਗੇ। ਸ਼ੋਭਾ ਯਾਤਰਾ ਵਿੱਚ ਸੁੰਦਰ ਝਾਕੀਆਂ ਲਗਾਈਆਂ ਜਾਣਗੀਆਂ, ਜਿਸ ਦੀ ਤਿਆਰੀ ਲਈ ਦਿੱਲੀ, ਹਰਿਆਣਾ ਅਤੇ ਬਨਾਰਸ ਤੋਂ ਵਿਸ਼ੇਸ਼ ਕਾਰੀਗਰ ਵੀ ਲੁਧਿਆਣਾ ਪਹੁੰਚ ਰਹੇ ਹਨ। ਸਵਾਮੀ ਵਿਵੇਕ ਭਾਰਤੀ ਜੀ ਮਹਾਰਾਜ ਅਤੇ ਸ਼੍ਰੀ ਸ਼੍ਰੀ 1008 ਮਹਾਮੰਡਲੇਸ਼ਵਰ ਸ਼ੇਰੂ ਦਾਸ ਜੀ ਮਹਾਰਾਜ ਨੇ ਯਾਤਰਾ ਦੇ ਸੱਦੇ ਨੂੰ ਪ੍ਰਵਾਨ ਕਰਦੇ ਹੋਏ ਕਿਹਾ ਕਿ ਯਾਤਰਾ ਮਾਰਗ ‘ਤੇ ਭਗਵਾਨ ਭੋਲੇਨਾਥ ਜੀ ਦੇ ਰੱਥ ਨੂੰ ਛੂਹਣ ਨਾਲ ਮਾੜੇ ਕਰਮ ਠੀਕ ਹੋ ਜਾਂਦੇ ਹਨ। ਇਸ ਮੌਕੇ ਤਰਸੇਮ ਪ੍ਰਜਾਪਤ, ਸੁਰੇਸ਼ ਮਹਿੰਦਰੂ, ਰੋਸ਼ਨ ਸ਼ਾਹ, ਸੁਰੇਸ਼ ਗੋਡ, ਵਿਨੈ ਬੰਦਾ, ਰਾਕੇਸ਼ ਮਹਿਰਾ, ਰਮੇਸ਼ ਬਜਾਜ, ਨਮਨ ਪ੍ਰਜਾਪਤ, ਵਰੁਣ ਗੁਪਤਾ, ਵਰੁਣ ਬਵੇਜਾ, ਵਿਸ਼ਾਲ ਵਰਮਾ, ਰਜਤ ਬਜਾਜ, ਸ਼ਿਵਮ ਬਵੇਜਾ, ਸਾਹਿਲ ਭਸੀਨ ਆਦਿ ਹਾਜ਼ਰ ਸਨ।
