ਲੁਧਿਆਣਾਃ (ਸੰਜੇ ਮਿੰਕਾ) ਪੰਜਾਬ ਦੇ ਖੇਤੀਬਾੜੀ ,ਪੇਂਡੂ ਵਿਕਾਸ ਤੇ ਪੰਚਾਇਤ ਮੰਤਰੀ ਸਃ ਕੁਲਦੀਪ ਸਿੰਘ ਧਾਲੀਵਾਲ ਨੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਕ੍ਰਿਸ਼ੀ ਵਿਗਿਆਨ ਕੇਂਦਰ ਸਮਰਾਲਾ ਚ ਕੰਮ ਕਰਦੇ ਉੱਘੇ ਪਸਾਰ ਮਾਹਿਰ ਡਾਃ ਦੇਵਿੰਦਰ ਤਿਵਾੜੀ ਦੀਆਂ ਸੇਵਾਵਾਂ ਆਪਣੇ ਓ ਐੱਸ ਡੀ ਵਜੋਂ ਲੈਣ ਦੇ ਆਦੇਸ਼ ਕੀਤੇ ਹਨ।
ਪੰਜਾਬ ਦੇ ਵਿੱਤ ਕਮਿਸ਼ਨਰ ਵਿਕਾਸ ਤੇ ਪੀਏ ਯੂ ਦੇ ਵਾਈਸ ਚਾਂਸਲਰ ਸਰਬਜੀਤ ਸਿੰਘ ਆਈ ਏ ਐੱਸ ਨੇ ਇਸ ਸਬੰਧੀ ਰਜਿਸਟਰਾਰ ਪੀ ਏ ਯੂ ਨੂੰ ਲਿਖਤੀ ਆਦੇਸ਼ ਦੇ ਦਿੱਤੇ ਹਨ। ਡਾਃ ਤਿਵਾੜੀ ਅਗਲੇ ਦਿਨਾਂ ਵਿੱਚ ਚੰਡੀਗੜ੍ਹ ਵਿਖੇ ਜੁੰਮੇਵਾਰੀਆਂ ਸੰਭਾਲ ਕੇ ਮੰਤਰੀ ਜੀ ਨਾਲ ਖੇਤੀਬਾੜੀ ਵਿਕਾਸ ਸਬੰਧੀ ਯੋਜਨਾਕਾਰੀ ਤੇ ਰੋਜ਼ਾਨਾ ਕੰਮਕਾਰ ਵਿੱਚ ਮਦਦਗਾਰ ਸਾਬਤ ਹੋਣਗੇ।
