ਲੁਧਿਆਣਾ (ਵਿਸ਼ਾਲ, ਅਰੁਣ ਜੈਨ)- ਲੁਧਿਆਣਾ ਸਰਾਭਾ ਨਗਰ ਮੰਦਿਰ ਕਮੇਟੀ ਵੱਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਸਰਾਭਾ ਨਗਰ ਮੰਦਿਰ ਦੇ ਨਾਲ ਖੁੱਲ੍ਹੀ ਥਾਂ ਤੇ ਰਾਮ ਲੀਲਾ ਬੜੀ ਧੂਮ ਧਾਮ ਨਾਲ ਕਰਵਾਈ ਜਾ ਰਹੀ ਹੈ। ਇਸ ਦੌਰਾਨ ਅੱਜ ਸ਼੍ਰੋਮਣੀ ਅਕਾਲੀ ਦਲ ਦੇ ਕੌਮੀ ਜੱਥੇਬੰਦਕ ਸਕੱਤਰ ਜੱਥੇਦਾਰ ਗੁਰਿੰਦਰਪਾਲ ਸਿੰਘ ਪੱਪੂ ਅਪਣੇ ਸਾਥੀਆਂ ਅਜੀਤ ਸਿੰਘ ਹੀਰਾ ਅਤੇ ਮਨਿੰਦਰਪਾਲ ਸਿੰਘ ਦੇ ਨਾਲ ਪਹੁੰਚੇ। ਇਨ੍ਹਾਂ ਨੂੰ ਮੰਦਿਰ ਕਮੇਟੀ ਦੇ ਪ੍ਰਧਾਨ ਸੁਭਾਸ਼ ਦੁੱਗਲ, ਅਨਿਲ ਬੱਸੀ, ਕੇ ਕੇ ਸੇਠ, ਮਨੀਸ਼ ਗੁਪਤਾ, ਰਜੇਸ਼ ਸੋਨੀ ਅਤੇ ਰੋਹਿਤ ਸ਼ਰਮਾ ਆਦਿ ਨੇ ਸਨਮਾਨਿਤ ਕੀਤਾ। ਇਸ ਮੌਕੇ ਜੱਥੇਦਾਰ ਗੁਰਿੰਦਰਪਾਲ ਸਿੰਘ ਪੱਪੂ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਰਾਮ ਲੀਲਾ ਸਾਨੂੰ ਅਪਣੇ ਫਰਜ਼ਾਂ ਤੋਂ ਸੁਚੇਤ ਕਰਵਾਉਂਦੀ ਹੈ ਅਤੇ ਸਿੱਖਿਆ ਦਿੰਦੀ ਹੈ ਕਿ ਨੇਕੀ ਹਮੇਸ਼ਾਂ ਬਦੀ ਤੇ ਜਿੱਤ ਪ੍ਰਾਪਤ ਕਰਦੀ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਸਾਨੂੰ ਲੋੜ ਹੇ ਕਿ ਅਪਣੇ ਅੰਦਰਲੀ ਬਦੀ ਨੂੰ ਮਾਰੀਏ ਅਤੇ ਸੱਚ ਦਾ ਪੱਲਾ ਫੜ ਕੇ ਚੱਲੀਏ ਬੇਸ਼ੱਕ ਰਸਤੇ ਵਿੱਚ ਕਿੰਨੀਆਂ ਵੀ ਮੁਸ਼ਕਿਲਾਂ ਕਿਓਂ ਨਾ ਆਉਣ। ਅਖੀਰ ਤੇ ਕਮੇਟੀ ਪ੍ਰਧਾਨ ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ।
ਰਾਮ ਲੀਲਾ ਸਾਨੂੰ ਅਪਣੇ ਫਰਜ਼ਾਂ ਤੋਂ ਸੁਚੇਤ ਕਰਵਾਉਂਦੀ ਹੈ-ਜੱਥੇਦਾਰ ਗੁਰਿੰਦਰਪਾਲ ਸਿੰਘ ਪੱਪੂ
