- ਸ਼੍ਰੀ ਗੁਰੂ ਤੇਗ਼ ਬਹਾਦਰ ਸਾਹਿਬ ਜੀ ਦੇ 400 ਸਾਲਾਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਵਣ ਦਾ ਨਾਮ ‘ਪਵਿੱਤਰ ਵਣ’ ਰੱਖਿਆ ਅਤੇ ਲੋਕਾਂ ਨੂੰ ਵੱਧ ਤੋਂ ਵੱਧ ਪੌਦੇ ਲਗਾਉਣ ਦੀ ਕੀਤੀ ਅਪੀਲ
- ਕੈਬਨਿਟ ਮੰਤਰੀ ਸ੍ਰ. ਸਾਧੂ ਸਿੰਘ ਧਰਮਸੋਤ ਨੇ ਪਿੰਡ ਕੋਟ ਉਮਰਾ ਅਤੇ ਗੋਰਸੀਆਂ ਖਾਨ ਮੁਹੰਮਦ ਦੇ ਜੰਗਲਾਂ ਦਾ ਕੀਤਾ ਦੌਰਾ
ਭੂੰਦੜੀ/ਲੁਧਿਆਣਾ, (ਸੰਜੇ ਮਿੰਕਾ)- ਪੰਜਾਬ ਸਰਕਾਰ ਦੇ ਵਣ ਅਤੇ ਜੰਗਲੀ ਜੀਵ ਸੁਰੱਖਿਆ ਵਿਭਾਗ ਦੇ ਕੈਬਨਿਟ ਮੰਤਰੀ ਸ੍ਰ. ਸਾਧੂ ਸਿੰਘ ਧਰਮਸੋਤ ਨੇ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਵੱਲੋਂ ਸੂਬੇ ਵਿੱਚ ਜੰਗਲਾਤ ਅਧੀਨ ਖੇਤਰ ਨੂੰ ਵਧਾਉਣ ਲਈ ਸ਼ੁਰੂ ਕੀਤੇ ਉਪਰਾਲਿਆਂ ਤਹਿਤਅੱਜ ਪਿੰਡ ਕੋਟ ਉਮਰਾ ਅਤੇ ਗੋਰਸੀਆਂ ਖਾਨ ਮੁਹੰਮਦ ਦੇ ਜੰਗਲਾਤ ਵਿਭਾਗ ਦੀ ਖਾਲੀ ਕਰਵਾਈ ਜਮੀਨ ਵਿੱਚ ਲਗਾਏ ਪੌਦਿਆਂ ਦਾ ਦੌਰਾ ਕੀਤਾ। ਇਸ ਮੌਕੇ ਉਨ੍ਹਾਂ ਵੱਲੋਂ ਪੌਦਾ ਲਗਾਇਆ ਗਿਆ ਅਤੇ ਉਨ੍ਹਾਂ ਲੋਕਾਂ ਨੂੰ ਵੱਧ ਤੋਂ ਵੱਧ ਪੌਦੇ ਲਗਾਉਣ ਦੀ ਅਪੀਲ ਕੀਤੀ। ਇਸ ਮੌਕੇ ਉਹਨਾਂ ਨਾਲ ਵਣ ਮੰਡਲ ਅਫਸਰ ਲੁਧਿਆਣਾ ਸ੍ਰ. ਹਰਭਜਨ ਸਿੰਘ, ਆਈ.ਐਫ.ਐਸ. ਸ਼੍ਰੀ ਪ੍ਰਵੀਨ ਕੁਮਾਰ, ਆਈ.ਐਫ.ਐਸ. ਸ਼੍ਰੀ ਨਿਰਮਲਜੀਤ ਸਿੰਘ ਅਤੇ ਆਈ.ਐਫ.ਐਸ. ਸ਼੍ਰੀ ਮੁਨੀਸ਼ ਕੁਮਾਰ, ਵਿਸੇਸ਼ ਤੌਰ ਤੇ ਸ਼ਾਮਿਲ ਸਨ। ਕੈਬਨਿਟ ਮੰਤਰੀ ਸ੍ਰ. ਧਰਮਸੋਤ ਨੇ ਕਿਹਾ ਕਿ ਜੰਗਲਾਤ ਵਿਭਾਗ ਦੇ ਅਧਿਕਾਰੀਆਂ ਤੇ ਕਰਮਚਾਰੀਆਂ ਦੇ ਸਹਿਯੋਗ ਨਾਲ ਇਸ ਵਿਭਾਗ ੋਚੋਂ ਪਿਛਲੇ ਸਾਢੇ 4 ਸਾਲਾਂ ਵਿੱਚ ਕਰੀਬ 853 ਏਕੜ ਜੰਗਲੀ ਰਕਬੇ ੋਤੇ ਹੋਏ ਨਜ਼ਾਇਜ ਕਬਜਿਆਂ ਨੂੰ ਛੁਡਵਾਇਆ ਅਤੇ ਇਸ ਵਿੱਚੋਂ ਹੁਣ ਤੱਕ 320 ਹੈਕਟੇਅਰ ਏਰੀਆ ਵਿੱਚ ਪਲਾਂਟੇਸ਼ਨ ਕਰਵਾਈ ਜਾ ਚੁੱਕੀ ਹੈ ਤਾਂ ਜੋ ਰਕਬੇ ਨੂੰ ਮੁੜ ਕਿਸੇ ਤਰ੍ਹਾਂ ਦੇ ਨਜ਼ਾਇਜ਼ ਕਬਜ਼ੇ ਤੋਂ ਬਚਾਇਆ ਜਾ ਸਕੇ। ਉਨ੍ਹਾਂ ਦੱਸਿਆ ਕਿ ਸਾਲ 2017-18 ਵਿੱਚ ਕੋਟਉਮਰਾ ਤੋਂ 147 ਏਕੜ, ਗੋਰਸੀਆਂ ਖਾਨ ਮੁਹੰਮਦ ਤੋਂ 80 ਏਕੜ, ਸਲੇਮਪਰ ਤੋਂ 2 ਏਕੜ, ਹੈਦਰਨਗਰ ਤੋਂ 108 ਏਕੜ, ਗੋਪਾਲਪੁਰ ਬੁਲੰਦੇਵਾਲ ਤੋਂ 11 ਏਕੜ ਕੁੱਲ 348 ਏਕੜ, ਸਾਲ 2018-19 ਵਿੱਚ ਹਾਦੀਵਾਲ ਤੋਂ 79 ਏਕੜ, ਰੋੜ ਮਾਜਰੀ ਤੋਂ 70 ਏਕੜ ਕੁੱਲ 149 ਏਕੜ, ਸਾਲ 2019-20 ਵਿੱਚ ਹਾਦੀਵਾਲ ਤੋਂ 25 ਏਕੜ, ਹੈਦਰਨਗਰ ਤੋਂ 67 ਏਕੜ, ਮੰਡ ਉਧੋਵਾਲ ਤੋਂ 55 ਏਕੜ ਕੁੱਲ 147 ਏਕੜ, ਸਾਲ 2020-21 ਵਿੱਚ ਮੰਡ ਉਧੋਵਾਲ ਤੋਂ 25 ਏਕੜ, ਲਾਡੋਵਾਲ ਤੋਂ 10 ਏਕੜ, ਮੰਡ ਝੜੌਦੀ ਅਤੇ ਦੌਲਤਪੁਰ ਤੋਂ 25 ਏਕੜ, ਮੰਡ ਉਧੋਵਾਲ ਖੁਰਦ ਤੋਂ 69 ਏਕੜ, ਫਾਗਲਾ ਡਰੇਨ ਤੋਂ 25 ਏਕੜ, ਕੁੱਲ 154 ਏਕੜ, ਸਾਲ 2021-22 ਵਿੱਚ ਮੱਤੇਵਾੜਾ ਤੋਂ 37 ਏਕੜ, ਮੱਜਫਵਾਲ ਤੋਂ 18 ਏਕੜ, ਕੁੱਲ 55 ਏਕੜ ਕਬਜ਼ਾ ਛੁਡਵਾਇਆ ਗਿਆ। ਉਕਤ ਹਟਾਏ ਗਏ ਨਜਾਇਜ਼ ਕਬਜ਼ਿਆਂ ਵਿੱਚੋਂ ਕਈ ਰਕਬਿਆਂ ਵਿੱਚ ਲੋੜ ਅਨੁਸਾਰ ਫੈਸਿੰਗ ਵੀ ਕੀਤੀ ਗਈ ਹੈ। ਉਕਤ ਰਕਬਿਆਂ ਨੂੰ ਭਵਿੱਚ ਵਿੱਚ ਸੁਰੱਖਿਅਤ ਰੱਖਣ ਲਈ ਵਣ ਵਿਭਾਗ ਵੱਲੋਂ ਇੱਕ ਪਹਿਲਕਦਮੀ ਕਰਦੇ ਹੋਏ ਸਕਿਊਰਟੀ ਗਾਰਡਾਂ ਨੂੰ ਤੈਨਾਤ ਕੀਤਾ ਗਿਆ ਹੈ। ਇਨ੍ਹਾਂ ਨੂੰ ਸੁਰੱਖਿਅਤ ਰੱਖਣ ਸਬੰਧੀ ਸਾਰੀ ਕਾਰਵਾਈ ਵਣ ਅਤੇ ਜੰਗਲੀ ਜੀਵ ਸੁਰੱਖਿਆ ਵਿਭਾਗ ਵੱਲੋਂ ਸਾਲ 2017 ਤੋਂ ਕਾਰਵਾਈ ਆਰੰਭੀ ਗਈ ਸੀ ਜਿਹੜੀ ਕਿ ਲਗਾਤਾਰ ਜਾਰੀ ਹੈ। ਉਨ੍ਹਾਂ ਕਿਹਾ ਕਿ ਫਾਰਸੈਟ ਸਰਵੇ ਆਫ ਇੰਡੀਆ ਦੇਹਰਾਦੂਨ ਦੀ ਤਾਜ਼ਾ ਰਿਪੋਰਟ ਅਨੁਸਾਰ ਲੁਧਿਆਣਾ ਜ਼ਿਲ੍ਹੇ ਦਾ 1.65 ਪ੍ਰੀਤਸ਼ਤ ਰਕਬਾ ਫਾਰੈਸਟ ਕਵਰ ਅਧੀਨ ਹੈ ਅਤੇ ਫਾਰੈਸਟ ਸਰਵੇ ਆਫ ਇੰਡੀਆ 2017 ਦੀ ਤੁਲਨਾ ਵਿੱਚ ਲੁਧਿਆਣਾ ਜ਼ਿਲ੍ਹੇ ਅਧੀਨ 3.92 ਸੁਕੇਅਰ ਕਿਲੋਮੀਟਰ ਫਾਰੈਸਟ ਕਵਰ ਦਾ ਵਾਧਾ ਹੋਇਆ ਹੈ। ਉਨ੍ਹਾਂ ਇਸ ਮੌਕੇ ਸ਼੍ਰੀ ਗੁਰੂ ਤੇਗ਼ ਬਹਾਦਰ ਸਾਹਿਬ ਜੀ ਦੇ 400 ਸਾਲਾਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਇਸ ਵਣ ਦਾ ਨਾਮ ੋਪਵਿੱਤਰ ਵਣੋ ਰੱਖਿਆ।
ਉਨ੍ਹਾਂ ਕਿਹਾ ਕਿ ਪਿਛਲੇ ਸਾਲਾਂ ਵਿੱਚ ਕੀਤੀ ਗਈ ਪਲਾਂਟੇਸ਼ਨ ਹੋ ਚੁੱਕੀ ਹੈ ਅਤੇ ਆਉਣ ਵਾਲੇ ਸਮੇਂ ਵਿੱਚ ਇਹ ਜੰਗਲ ਦਾ ਰੂਪ ਧਾਰਨ ਕਰਕੇ ਲੁਧਿਆਣਾ ਮੰਡਲ ਅਧੀਨ ਫਾਰੈਸਟ ਕਵਰ ਦਾ ਹੋਰ ਵਾਧਾ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਵਾਤਾਵਰਨ ਵਿੱਚ ਸੁਧਾਰ ਲਿਆਉਣ ਵਿੱਚ ਮੱਦਦ ਮਿਲੇਗੀ ਅਤੇ ਇਸ ਤੋਂ ਇਲਾਵਾ ਇਸ ਨਾਲ ਸਤਲੁਜ ਦਰਿਆ ਦੇ ਕਿਨਾਰੇ ਅਤੇ ਆਲੇ ਦੁਆਲੇ ਪੈਂਦੇ ਏਰੀਏ ਦੀ ਭੂਮੀ ਸੁਰੱਖਿਆ ਵਿੱਚ ਵੀ ਮੱਦਦ ਮਿਲੇਗੀ। ਇਹ ਰਕਬੇ ਦੀ ਮਿੱਟੀ ਵਿੱਚ ਜੰਗਲ ਆ ਜਾਣ ਕਾਰਨ ਆਰਗੈਨਿਕ ਮੈਟਰ ਵਿੱਚ ਵਾਧਾ ਹੋਣ ਕਾਰਨ ਇਸ ਦੀ ਉਪਜਾਊ ਸ਼ਤੀ ਵਿੱਚ ਵੀ ਵਾਧਾ ਹੋ ਰਿਹਾ ਹੈ। ਇਸ ਦੇ ਨਾਲ ਨਾਲ ਆਸ ਪਾਸ ਦੇ ਗਰੀਬ ਲੋਕਾਂ ਲਈ ਰੋਜ਼ਗਾਰ ਸਾਧਨਾਂ ਵਿੱਚ ਵੀ ਕਾਫੀ ਵਾਧਾ ਹੋਇਆ ਹੈ।
ਉਨ੍ਹਾਂ ਦੱਸਿਆ ਕਿ ਮਹਿਕਮੇ ਦੇ ਮੁਲਾਜਮ ਆਪਣੀਆਂ ਜਾਨਾਂ ੋਤੇ ਵੀ ਖੇਡ ਗਏ ਪਰੰਤੂ ਆਪਣੀ ਡਿਊਟੀ ੋਚ ਆਂਚ ਨਹੀਂ ਆਉਣ ਦਿੱਤੀ। ਕੈਬਨਿਟ ਮੰਤਰੀ ਸ੍ਰ. ਧਰਮਸੋਤ ਨੇ ਵਿਭਾਗ ਦੇ ਅਧਿਕਾਰੀਆਂ/ਕਰਮਚਾਰੀਆਂ ਵੱਲੋਂ ਉਕਤ ਕੀਤੇ ਗਏ ਕੰਮਾਂ ਦੀ ਸ਼ਲਾਘਾ ਕੀਤੀ ਅਤੇ ਨਿਰਦੇਸ਼ ਦਿੱਤੇ ਕਿ ਇਨ੍ਹਾਂ ਰਕਬਿਆਂ ਨੂੰ ਭਵਿੱਖ ਵਿੱਚ ਵੀ ਕਿਸੇ ਤਰ੍ਹਾਂ ਦੇ ਨਜ਼ਾਇਜ਼ ਕਬਜ਼ੇ ਤੋਂ ਸੁਰੱਖਿਅਤ ਰੱਖਣ ਲਈ ਯੋਗ ਉਪਰਾਲੇ ਕੀਤੇ ਜਾਣ। ਉਨ੍ਹਾਂ ਕਿਹਾ ਕਿ ਜੰਗਲਾਤ ਵਿਭਾਗ ਵੱਲੋਂ ਜਿੰਨਾਂ ਵੀ ਰਕਬਾ ਛੁਡਾਇਆ ਜਾ ਰਿਹਾ ਹੈ, ਓਨੇ ਰਕਬੇ ਵਿੱਚ ਪੌਦੇ ਲਾ ਕੇ ਉਸ ਨੂੰ ਜੰਗਲਾਤ ਅਧੀਨ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਪਿਛਲੇ ਸਾਲ ਨਾਲੋਂ ਇਸ ਸਾਲ ਪੌਦੇ ਲਾਉਣ ਦਾ ਟੀਚਾ ਵਧਾਇਆ ਗਿਆ ਹੈ।
