- ਕਿਹਾ! ਵਸਨੀਕ 29 ਨਿੱਜੀ ਹਸਪਤਾਲਾਂ ਤੇ 21 ਸਰਕਾਰੀ ਹਸਪਤਾਲਾਂ ‘ਚ ਕਰਵਾ ਸਕਦੇ ਹਨ ਵੈਕਸੀਨੇਸ਼ਨ
- ਫੇਸਬੁੱਕ ਲਾਈਵ ਸੈਸ਼ਨ ਰਾਹੀਂ ਜ਼ਿਲ੍ਹਾ ਵਾਸੀਆਂ ਨਾਲ ਹੋਏ ਰੂ-ਬਰੂ
ਲੁਧਿਆਣਾ, (ਸੰਜੇ ਮਿੰਕਾ) – ਡਿਪਟੀ ਕਮਿਸ਼ਨਰ ਲੁਧਿਆਣਾ ਸ੍ਰੀ ਵਰਿੰਦਰ ਕੁਮਾਰ ਸ਼ਰਮਾ ਨੇ ਦੱਸਿਆ ਹੈ ਕਿ ਜ਼ਿਲ੍ਹਾ ਲੁਧਿਆਣਾ ਦੇ ਵੱਖ-ਵੱਖ ਸਰਕਾਰੀ ਅਤੇ ਨਿੱਜੀ ਹਸਪਤਾਲਾਂ ਵਿੱਚ ਅੱਜ 1640 ਸੀਨੀਅਰ ਸਿਟੀਜਨ (60 ਸਾਲ ਤੋਂ ਵੱਧ ਉਮਰ ਦੇ) ਅਤੇ 45 ਤੋਂ 59 ਸਾਲ ਦਰਮਿਆਨ ਗੰਭੀਰ ਬਿਮਾਰੀਆਂ ਤੋਂ ਪੀੜਤ 521 ਵਿਅਕਤੀਆਂ ਨੂੰ ਕੋਵਿਡ-19 ਦਾ ਟੀਕਾ ਲਗਾਇਆ ਗਿਆ ਹੈ। ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਕੋਵਿਡ-19 ਟੀਕਾਕਰਨ ਦਾ ਤੀਜਾ ਪੜਾਅ 1 ਮਾਰਚ, 2021 ਤੋਂ ਸ਼ੁਰੂ ਹੋਇਆ, ਜਿਸ ਵਿੱਚ ਬਜ਼ੁਰਗ ਨਾਗਰਿਕ ਅਤੇ 45 ਤੋਂ 59 ਸਾਲ ਦੇ ਵਿਚਕਾਰ (1 ਜਨਵਰੀ, 2022 ਨੂੰ) ਗੰਭੀਰ ਬਿਮਾਰੀਆਂ ਤੋਂ ਪੀੜਤ ਵਿਅਕਤੀਆਂ ਆਪਣੀ ਵੈਕਸੀਨੇਸ਼ਨ ਕਰਵਾ ਸਕਦੇ ਹਨ। ਉਨ੍ਹਾਂ ਇਹ ਜਾਣਕਾਰੀ ਅੱਜ ਸ਼ਾਮ ਜ਼ਿਲ੍ਹਾ ਲੋਕ ਸੰਪਰਕ ਦਫਤਰ ਲੁਧਿਆਣਾ ਦੇ ਅਧਿਕਾਰਤ ਫੇਸਬੁੱਕ ਪੇਜ ‘ਤੇ ਵਸਨੀਕਾਂ ਨਾਲ ਗੱਲਬਾਤ ਕਰਦਿਆਂ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਇਹ ਟੀਕਾਕਰਨ ਸਰਕਾਰੀ ਹਸਪਤਾਲਾਂ ਅਤੇ ਸਿਹਤ ਕੇਂਦਰਾਂ ‘ਤੇ ਪੂਰੀ ਤਰ੍ਹਾਂ ਮੁਫਤ ਹੋਵੇਗਾ, ਨਿੱਜੀ ਹਸਪਤਾਲ ਲਾਭਪਾਤਰੀ ਕੋਲੋਂ ਲਈ 250 ਰੁਪਏ (ਪ੍ਰਤੀ ਖੁਰਾਕ) ਤੋਂ ਵੱਧ ਨਹੀਂ ਵਸੂਲ ਸਕਦੇ, ਜਿਸ ਵਿਚ ਟੀਕੇ ਦੀ ਕੀਮਤ ਵਜੋਂ 150 ਰੁਪਏ ਅਤੇ 100 ਰੁਪਏ ਸੇਵਾ ਖਰਚੇ ਸ਼ਾਮਲ ਹਨ। ਉਨ੍ਹਾਂ ਕਿਹਾ ਕਿ ਨਿੱਜੀ ਹਸਪਤਾਲ ਸੇਵਾ ਖਰਚ ਲਈ ਪ੍ਰਤੀ ਵਿਅਕਤੀ 100 ਰੁਪਏ (ਪ੍ਰਤੀ ਖੁਰਾਕ) ਤੋਂ ਵੱਧ ਨਹੀਂ ਲੈ ਸਕਦੇ। ਉਨ੍ਹਾਂ ਦੱਸਿਆ ਕਿ ਹੁਣ ਤੱਕ ਕੁੱਲ 20254 ਸਿਹਤ ਕਰਮੀਆਂ ਨੇ ਆਪਣਾ ਪਹਿਲਾ ਟੀਕਾ ਲਗਵਾਇਆ ਅਤੇ 12181 ਕਰਮੀਆਂ ਵੱਲੋਂ ਦੂਜਾ ਟੀਕਾ ਲਗਵਾਇਆ ਗਿਆ। ਇਸੇ ਤਰ੍ਹਾਂ 9055 ਫਰੰਟਲਾਈਨ ਵਰਕਰਾਂ ਵੱਲੋਂ ਪਹਿਲਾ ਟੀਕਾ ਲਗਵਾਇਆ ਗਿਆ। ਉਨ੍ਹਾਂ ਦੱਸਿਆ ਕਿ ਟੀਕਾਕਰਨ ਮੁਹਿੰਮ ਦੇ ਤੀਜੇ ਪੜਾਅ ਲਈ ਲਾਭਪਾਤਰੀ COWIN ਰਾਹੀਂ ਸਵੈ-ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹਨ, ਜਾਂ ਉਹ ਨਿਰਧਾਰਤ ਹਸਪਤਾਲਾਂ ਅਤੇ ਟੀਕਾਕਰਣ ਕੇਂਦਰਾਂ ‘ਤੇ ਵੀ ਆਪਣੀ ਰਜਿਸ਼ਟ੍ਰੇਸ਼ਨ ਕਰਵਾ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਹੁਣ ਕੋਵਿਡ 19 ਟੀਕਾਕਰਣ 29 ਨਿੱਜੀ ਹਸਪਤਾਲਾਂ, ਜਿਸ ਵਿੱਚ ਅਨੁਪਮ ਹਸਪਤਾਲ, ਬਾਵਾ ਹਸਪਤਾਲ, ਸੀ.ਐੱਮ.ਸੀ. ਹਸਪਤਾਲ, ਦੀਪ ਹਸਪਤਾਲ, ਦੀਪਕ ਹਸਪਤਾਲ, ਡੀ.ਐਮ.ਸੀ. ਹਸਪਤਾਲ, ਫੋਰਟਿਸ ਹਸਪਤਾਲ, ਗੁਰਦੇਵ ਹਸਪਤਾਲ, ਗੁਰੂ ਤੇਗ ਬਹਾਦਰ ਚੈਰੀਟੇਬਲ ਹਸਪਤਾਲ, ਜੈਨ ਮਲਟੀਸਪੈਸ਼ਲਿਟੀ ਹਸਪਤਾਲ, ਖੰਨਾ ਨਰਸਿੰਗ ਹੋਮ, ਮਾਹਲ ਮਲਟੀਸਪੈਸ਼ਲਿਟੀ ਹਸਪਤਾਲ, ਮਿੱਤਲ ਨਰਸਿੰਗ ਹੋਮ ਅਤੇ ਟਰਾਮਾ ਸੈਂਟਰ, ਪੰਚਮ ਹਸਪਤਾਲ, ਆਰਜੀ ਸਟੋਨ ਐਂਡ ਸੁਪਰਸਪੈਸ਼ਲਿਟੀ ਹਸਪਤਾਲ, ਐਸ.ਏ.ਐੱਸ. ਗਰੇਵਾਲ ਹਸਪਤਾਲ, ਸ਼ਾਹ ਹਸਪਤਾਲ, ਸ਼੍ਰੀ ਰਘੂਨਾਥ ਹਸਪਤਾਲ, ਸਿੱਧੂ ਹਸਪਤਾਲ, ਸੋਬਤੀ ਨਿਊਰੋ ਅਤੇ ਸੁਪਰਸਪੈਸ਼ਲਿਟੀ ਹਸਪਤਾਲ, ਸ੍ਰੀ ਬਾਲਾਜੀ ਸਟੋਨ ਅਤੇ ਸੁਪਰ ਸਪੈਸ਼ਲਿਟੀ ਹਸਪਤਾਲ, ਯੂਰੋਕੇਅਰ ਕਿਡਨੀ ਸਟੋਨ ਐਂਡ ਸਰਜੀਕਲ ਸੈਂਟਰ, ਯੂ.ਐਸ.ਪੀ.ਸੀ. ਜੈਨ ਚੈਰੀਟੇਬਲ ਹਸਪਤਾਲ, ਵਰਮਾ ਮਲਟੀ ਸਪੈਸ਼ਲਿਟੀ ਹਸਪਤਾਲ ਅਤੇ ਸੀਟੀ ਸਕੈਨ ਸੈਂਟਰ, ਪ੍ਰੋ ਲਾਈਫ ਹਸਪਤਾਲ ਅਤੇ ਪਾਹਵਾ ਹਸਪਤਾਲ ਸ਼ਾਮਲ ਹਨ।
